Мазмұнға өту

Шымкентте екі мыңнан астам мектеп бітірушісіне арналған кәсіби бағдар форумы өтті

Авторы: DSB жаңалықтар қызметі Оқу уақыты: 2 мин Қаралым: 12
Иллюстрация раздела DSB.kz — society

Шымкент қаласындағы «Қызғалдақ» сарайында мектеп түлектеріне арналған «Білім. Бағдар. Болашақ» ақпараттық-мотивациялық кездесуі ұйымдастырылды. Ел Тәуелсіздігінің 35 жылдығына орайластырылған жиынға 2 150 оқушы қатысты. Олардың арасында 500 «Алтын белгі» иегері мен үздік аттестаттан үміткер жастар бар. Шара барысында Мұхтар Әуезов атындағы Оңтүстік Қазақстан зерттеу университетінің білім беру бағдарламалары таныстырылып, арнайы көрме қойылды.

Грант көлемі мен сынақ талаптары

Жиында сөз сөйлеген ҚР Ғылым және жоғары білім министрінің кеңесшісі Руслан Емелбаев бакалавриат бағдарламалары бойынша жыл сайын мемлекеттен 70 мыңнан астам грант бөлінетінін хабарлады. Оның 60 пайыздан астамы инженерлік-техникалық мамандықтарға бағытталған. Өткен жылы педагогика саласына шамамен 15 мың, ал ақпараттық технологиялар бағытына 11 мыңға жуық грант бөлінген. Сондай-ақ сала мамандары мектеп қабырғасынан бастап оқушыларға қолдау көрсетуде ата-аналар мен ұстаздардың бастамалары шешуші мәнге ие екенін алға тартады.

Ұлттық бірыңғай тестілеудің қазіргі үлгісі 2027 жылы өзгеріссіз қалатыны мәлім болды. Жаңа формат 2027 жылы пилоттық режимде сынала бастайды, ал оны республикалық деңгейде жаппай қолданысқа енгізу 2029 жылға жоспарланған.

Жарнама

Интеллектуалдық сайыс жеңімпаздары

Кездесу аясында өткізілген «Auezov Quiz» зияткерлік сайысының қорытындысы бойынша жүлдегер мектептер ақшалай сертификаттармен марапатталды:

  • Бас жүлде (500 мың теңге) — Т. Тәжібаев атындағы №47 мектеп-гимназиясының «Фараби» командасы;
  • Екінші орын (300 мың теңге) — Н. Оңдасынов атындағы №38 мектеп-гимназиясының «Сана» командасы;
  • Үшінші орын (әрқайсысына 100 мың теңге) — Қ. Сыпатаев атындағы №7 IT мектеп-лицейінің «Алау» тобы мен А.С. Пушкин атындағы №1 мектеп-гимназиясының «Oxygen» тобы.

Биыл Шымкент мектептерін 17 645 түлек аяқтайды.

Жарнама
Бөлісу: Telegram WhatsApp ВКонтакте X Facebook
Служба новостей DSB.kz

Оставить комментарий

Ваш адрес email не будет опубликован. Обязательные поля помечены *

Digital Solutions for Business